{geni:about_me} Lars Johannesson Sætveit (1616-1710) vart gift med Cecilie (Sella) Mikkelsdatter Erdal i 1655. Han var son til Johannes Trondson Sætveit og Kristina Larsdatter Torsnes. Kristina vart enkje i 1740 og gifte seg opp igjen med Ivar Isakson Norheim i Indre Ålvik, og Lars flytte med dit. Ivar Norheim Ålvik var sjølv barnlaus. Han eigde ikke så reint lite jordegods i Kvam. Som ein ser av eigedomssoga, kjøpte han og Erdal. I 1674 overdrog han eigedomane sine til Lars mot å få fri omsorg i alderdomen, dessutan skulle Lars reida ut arven til hans eigne arvingar. Ivar døydde i 1677, kona Kristina er død tidlegare. Lars overtok og bruket i Ålvik.
Frå 1653 budde Lars i Erdal, og han er då reine jordkaksen. Han eigde forutan Erdal, Hereid (1 lp smør), Indre Ålvik (4 lp 11 1/ mrk. smør), Bergstø (1/2 lp smør) og Djønne (1 1/2 lp smør). Tilsaman utgjorde eiga hans 13 lp smør.
Som alle store jordeigarar kom han opp i ein del krangel med andre om eigedoms- og løysingsrett. Det kan nemnast sak med Ola J. Jåstad om skogteigen i Tyssedalstveit i Odda, med Ola S. Bjotveit om garden Djønne og i 1674 jamvel med svigerfar sin om ein part av garden Tveit i Ålvik.
Ca 1616 - Ca 1710 (94 år)
d. Kvam, Hordaland, Norway