| Notater |
- {geni:about_me} KYRKJE-BRUVIK BRUK nr. 8
1773 skøyte til Mikkel Johannesson frå mora og dei andre ervingane ved skiftet etter faren 1772. Med det han sjølv hadde ervt, vart Mikkel no eigar av 54 merker smør.
Mikkel Johannesson 1746-1786 var g.m. Dortea 1746-1815, dtr. åt Einar Monsson Helle og kona Sigrid Johannesdtr. f. Stanghelle. Dei var brukarfolk på Rivenes i Haus. Dei åtte ein part i garden Stanghelle, og Dortea ervde 1/4 av dette jordegodset ved skiftet etter faren. Sjå Stanghelle, eigarar og Haus s. 167.
Born: Johannes 1773-, brukar her. Sigrid 1777-, g.m. Nils K. Dale. Sjå Dale bnr. 18. Einar f. og d. 1780. Einar f. og d. 1782. :Mikkel 1787-, sjå bnr. 9.
Ved skiftet 1787 etter Mikkel Johannesson vart jordegodset delt slik: Kreditor Lars Nilsson 10 merker smør, kreditor Tomas Johannesson
Kyrkje-Bruvik 4 merker smør, kreditor Anders Monsson Kvernes 4 merker smør, kreditor Eirik Pedersen Kyrkje-Bruvik 2 merker smør, kreditor Fredrik Hasselmann 2 merker smør. Til deling mellom enkja og borna vart då att 32 merker smør. Enkja Dortea fekk utlagt 16 merker smør, dottera Sigrid 4 merker smør og sønene Johannes og Mikkel 6 merker smør kvar.
1789 skøyte til Olav Sjursson Herfindal på 32 merker smør. Olav var g.m. enkja etter den førre brukaren, og parten åt Dortea, 16 merker smør, var medrekna i dette skøytet. Men 1795 måtte Olav lata styksonen Johannes, som hadde odelsrett til bruket, få skøyte. Same ånt vart det tinglyst bygselbrev til Olav, slik at han kunne halda fram som leiglending på halve bruket.
Olav Sjursson var frå Herfindalen bnr. 8, 1758 - 1829, 1787 m. enkja Dortea Einarsdtr. Kyrkje-Bruvik, 1746-1815. Ved skiftet etter Dortea var bruttosummen i buet 795 rdl., nettoen var vel 705 rdl. Husa på bruket var takserte til 130 rdl. Dette var truleg hus som var oppsette på den leiglendingsjorda som Dortea og Olav hadde drive sidan 1795. I frådraget i buet var det mellom anna rekna 25 rdl. i "hjemmegifte" til dottera Brita.
Born: Sjur f. og d. 1789. Brita 1790-, g.m. Jakob Sjursson Olsnes, sjå Olsnes bnr. 1. Olav Sjursson g.2.g. 1816 m. Kari Andersdtr. Kyrkje-Bruvik bnr. 2, 1782-1832. Ved skifte etter Olav 1829 var bruttosummen i buet 153 spdl. Nettosummen 120 spdl. Husa var verdsette til 35 spdl. og buskapen til vel 41 spdl. I skiftet 1832 etter Kari Andersdtr. var bruttosummen i buet 239 spdl. Nettoen 190 spdl. Born: Mons 1806, d. før 1829. Olav f. og d. 1816. Olav 1817-, konfirmert 1832. Dortea f. og d. 1818. Kristi 1820-, g.m. Johannes Andersson Indre-Bruvik, sjå Indre-Bruvik bnr. 3. Anna 1823-, g.m. Eirik Larsson Ytre-Bruvik, sjå Ytre-Bruvik bnr. 8. Anders 1827-.
Tillegg om skifte etter Mikkel Johannesson 1787. Bruttosummen i buet var 305 rdl. Nettosummen 190 rdl. Jordegodset var verdsett til 180 rdl.
http://vaksdalhistorielag.org/wiki/index.php?title=Kyrkje-Bruvik_og_Seilæ#BNR._10
|
Ca 1782 - Ca 1832 (50 år)
