1786 skøyte til Knut Sjursson for 300 rdl. 1800 vart det tinglese odelsskøyte til Knut Sjursson frå Mons Eriksson Myrdal, son at den førre brukaren her.
Knut 1764- 1830 var son åt Sjur Monsson Vaksdal og kona Brita Knutsdtr. Dei hadde ei tid gard i Kvitingen i Samnanger. Seinare overtok dei Herfindalen bnr. 5.
Knut var g. 1786 m. Marta Nilsdtr. Havrå 1746- 1837. Knut og Marta var barnlause. Då det vart halde skifte etter dei 1837, var bruttosummen i buet vel 827 spd. Nettoen vel 786 spd. Av fast eigedom hadde buet ein part i garden Takvam, som dei hadde fått skøyte på 1826. Denne parten var verdsett til 150 spd. 493 spd. var ute på lån. Mellom dei største låntakarane var to av brorsønene at Marta, Johannes Haldorsson Blom og Nils Haldorsson Havrå. Dei skulda kvar 100 spd. til buet. Ein annan låntakar var Olav Andersson Sedalen b. på Reistad i Mjelde. Han skulda 140 spd. til buet. Pantobligasjonane til desse 3 låntakarane var tinglyste 1824, 1826 og 1835, altså etter at Knut og Marta hadde selt dette bruket. Haus prestegjeld fekk eigen sparebank 1867. For den tid var det ein del velståande folk i bygda som tente som bankar. Skiftet etter Marta og Knut viser at buet deira var ein av desse " bankane".
Ca 1746 - Ca 1837 (91 år)
