1763 bygsla Magne Mikkelson Vik den helvta av garden som Knut Nilsson hadde vore brukar på.
Magne 1735-1795 g. 1763 m. enkja etter Knut Nilsson, Magdeli Larsdtr. Stokke 1721-1820. Magne og Magdeli hadde ikkje born.
Ved skiftet etter Magne 1795 var bruttosummen i buet 522 rdl. 5 mark 15 sk. Nettosummen var 457 rdl. 1 mark 2 sk. Lausøyret var verdsett til vel 227 rdl. Inngjeld som kom buet til gode var 122 rdl. 5 mark 1 sk. og der var i reidepengar 55 rdl. 2 mark 8 sk.
Magne og Magdeli må såleis ha vore særs velståande. Magdeli fekk utlagt halve bruket. Den andre helvta vart delt mellom bror åt Magne, Mons Mikkelson Vik, og dei 5 borna etter ein annan avdød bror, Olav Mikkelson Vik.